Naolma yatao wul yaq

Ba’la dav lal al

Haolgaoq ssolnei ngaq e puvkaq ssao nei mol qivq al naq siq

Zeiqssaq dyul laoq quvqceiv nei aqsol bulduq haoqleev aol al

Tyulliq aqkeeq e ceivqteil laoq qiq taq liq maq naq

Caqbyu laqnil a ba`la wuqcal nieiv nei cuvq

       Aqkeeq e ceivqteil nago meil

       Ssaqmiq miqssaq qiq mavq teilsal qulju nei cal

       Dama miqyo yaol hhuvq lal joq leil gul e doqteil liq gaq qivq

       Aldovq hul`a

       Ngal laoq soqmiav hu

       Aqma laoq ngaq e peilmol guvq

       Ngal naolhao pyu nei aqma yaol hu

       Aqyoq qiq seq qiq seq meil guvq duv gaoq al

       Yilmeil leil e aoqqivq

       Ngal nyuqhu zaq

       Ngalduq aqma yaol gaq

       Tyulliq aqma ngalduq yaol gaq e aqmeil maq paoq

       Ngalduq aqma yaol gaq e ngaoq logal galssaq

       Aqma ngalduq yaol gaq e ngaoq baqma miav nei navq

       Ngalduq milhaoq ceil haoq yal haoq ssuqyoq nia e liq

       Aqma ngalduq yaol nyuq e neema mol maq ssuq yoq nia

       Aoqqivq sulhhaol ngeel wul yaq

       Tyulliq

       Ngaq e neema quvqceiv nei maq jav nia al yaq

              Aoqqivq

               夜

        Naolma yatao wul yaq

        太阳落下

        ba’la dav lal al

        月亮升起

        Haolgaoq ssolnei ngaq e puvkaq ssao nei mol qivq al naq siq

        山峰和我的村庄又在月光中显现

        Zeiqssaq dyul laoq quvqceiv nei aqsol bulduq haoqleev aol al

        牲畜们安静地维护自身

         Tyulliq aqkeeq e ceivqteil laoq qiq taq liq maq naq

        可是狗的吠叫却一刻不停

        Caqbyu laqnil a ba`la wuqcal nieiv nei cuvq

        墙孔外月光明朗

        Aqkeeq e ceivqteil nago meil

       伴随着狗的叫声

       ssaqmiq miqssaq qiq mavq teilsal qulju nei cal

       一群小姑娘唱出甜甜的歌

       Dama miqyo yaol hhuvq lal joq leil gul e doqteil liq gaq qivq

       也听得到父母呼唤儿女归家的声音

       Aldovq hul`a ngal laoq soqmiav hu

       灯光下我在看书

       Aqma laoq ngaq e peilmol guvq

       阿妈在缝我的长衣

       Ngal naolhao pyu nei aqma yaol hu

       我从后面看阿妈

       Aqyoq qiq seq qiq seq meil guvq duv gaoq al

       她一针一针地缝出很多

       Yilmeil leil e aoqqivq

       这样的夜晚

       Ngal nyuqhu zaq

       我在思量

       Ngalduq aqma yaol gaq

       我们爱阿妈

       Tyulliq aqma ngalduq yaol gaq e aqmeil maq paoq

       可是不同于阿妈爱我们

       Ngalduq aqma yaol gaq e ngaoq logal galssaq

       我们爱阿妈是小沟小溪

       Aqma ngalduq yaol gaq e ngaoq baqma miav nei navq

       阿妈爱我们象江河一样深

       Ngalduq milhaoq ceil haoq yal haoq ssuqyoq nia e liq

       我们可以走过千山万水

       Aqma ngalduq yaol nyuq e neema mol maq ssuq yoq nia

       走不过阿妈思念我们的那颗心

       Aoqqivq sulhhaol ngeel wul yaq

       夜已经很深了

       Tyulliq

       可是

       Ngaq e neema quvqceiv nei maq jav nia al yaq

       我的心却不能安静下来

汉文：