作者：Luv Cel 鲁抽

                                                          本站原创    供稿：白碧波   加入时间：2006年9月2日

Ngaq e colmiaol Luv Cel leil kul, Dolnia Aqlaoq Naqhhal puvkaq col, nga qovq laqhyul hholqei yuvq ciivq e col jol, hhyuq ceil biao laq e aqpiq qiq hhaq jol, kuvq ceil biao laq e yoqpaq yoqma jol, aqnu ngaq e huljil ssolnei ssaqyo niq meilnaol jol, saq nei ceil hhaq jol nga. Niaoq’aol huvqlavq hholqei ngaoq coljol hovqma yovq ngeel wulnaq.

我的名字叫鲁抽，绿春县阿落那村人。我家里有四代人，有一位九十多岁的祖母，有六十来岁的公公和婆婆，我的丈夫和两个儿子，全家有十个人；在我们村里，我们家算是一个大家庭了。

2002 huvq 3 la siq, Yifxil Siilfaf Xoqyeif niq boq e Haqniq soqhhaq peiqxyuf bal hholqei nei ngal Haqniq soqmiav niq ceil nao zol taoqngaoq, zaoma nei zol hev al.

2002年3月，我在玉溪师范学院的第二期哈尼文培训班学习了20天之后，基本上学会了哈尼文。

Ngaq e laqhyul hholqei, saq nei liq Niuldoq gee e miaq baol nga. Ngal nilkev nei qiq nao neikavq e Pyulniul milcaq nei heq lal laq e ngeel taoqngaoq, Niuldoq gee e yal zeiq laolngaoq, Niqdoq hhoqna maq gee nia, niaoq’aol ngal Haqniq soqhhaq zol hev alnei, jol lalhha galhhu Haqniq dudaq yulmavq hu zaq, xal aolssaq yaol Haqniq soqmiav meiq miq, Haqniq soqmiav meiq miq nago meil ngal liq Haqniq doq gee nia maq ceil, Haqniq yo’liq liq alciiv loq lal, Haqniq soqhhaq mol yaol laqheiq tuvqqil nei qeil lal ya.

我们家里多数人都讲汉语。我是在汉族和哈尼族杂居的村里长大的，所以说汉话更容易一些，反而说哈尼话有一些吃力。自从我学会了哈尼文字以来，我平时读一些哈尼文民间故事书，学唱哈尼文歌曲，还教村民们学习哈尼文和哈尼歌曲。在教别人学习哈尼文的同时，我还学会了许多哈尼话，还学会了哈尼族的许多故事。我对哈尼语言文字的学习兴趣来越浓厚，越来越喜欢学习和使用哈尼语言文字。

      Haqniq soqmiav maq hha zol e colmoq colhav yul mavq,  yoqhhaq e doq maq buvq teiq nia. Aqyomavq lalbaq ssil nia e liq soqmiav nei maq buvq teiq nia. Niaoq’aol ngal Haqniq soqmiav hev nia taoqngaoq, aqgee aqnia e Haqniq caqgol yul mavq liq cal nia.

没有学过哈尼文字的老年人和中年人们，虽然会讲故事，会唱酒歌，但没有办法记录下来。现在我掌握了哈尼文之后，我还可以把哈尼族歌曲写下来，还可以把其他地方的哈尼族歌曲记录下来，不但自己可以学唱，而且还可以教别人唱歌。

Haqniq soqhhaq zol e meeqduq daov jav gaoq ya, Haqniq soqmiav nei maq buvq teiq qivq e leil qiq jivq maq jav, Haqniq soqmiav nei aqpyuq aqda e doqmoq doq’yul yulmavq buvq xa taq alngaoq, ngaldu maq ceil ngaldu e ssaqmiq ssaqyo yulmavq liq hev nia al, tyulmeil nei Haqniq soqhhaq hha zol hev jil nga.

学会哈尼文字有不少好处。用哈尼文字不仅可以记录哈尼族的传统故事，而且还可以教我们的子孙后代，对哈尼族语言文字的持续和发展很有好处。

Niaoq’aol aqnil Ceiq Yeiv a qiq taq bi gee. Ngal aqkal Haniq caqgol qiq mol cal nial.

现在请成艳妹妹继续发言，等一会儿我想唱一支哈尼族歌曲给大家欣赏。